حكمتك يارب
كان فى واحد نفسه يتصلب مكان ربنا وطلب منه بحرارة فربنا قاله ياحبيبى صعب عليك مش هاتستحمل قاله يارب لا اسندنى انت وانا هاقدر قاله طيب يا حبيبى انا هاعملك طلبك وهاخليك مكانى على صليبى وهاديك قوة وقدرة انك تستحمل الالام الصليب من غير ماتحس باى حاجة وانت عليه بس كل ده بشرط وااااحد بس
هو انك ماتفتحش بقك باى حاجة تشوفها او تسمعها ده شرطى الوحيد
والراجل وافق واتصلب مكان المسيح على الصليب وشاف واحد جه يصلى عنده وكان راجل غنى جدا وهو بيصلى المحفظة بتاعته وقعت منه على الارض وكان فيها فلوس كتير قوى
وجه بعديها واحد يصلى برضه لقى الفلوس فى المحفظة فاخدها وشكر ربنا عليها
وجه بعدها واحد تالت يصلى فرجعله الاولانى وقاله انا محفظتى وقعت منى من شوية هنا..... انت ماشفتهاش
قاله لا ماشفتهاش
قاله هاتها بس وهاديك نص اللى فيها
قاله بجد لا انا ماشفتش حاجة هنا
قاله لو ماجيبتهاش هاسلمك للبوليس وهاخد حقى منك برضه
قاله بجد مش بكدب عليك انا ماشفتش حاجة بجد
فراح ضربه و سلمه للبوليس والبوليس جه حقق فى الموضوع قدام الصليب
كل اللى حصل ده قدام الراجل اللى على الصليب
فمقدرش يستحمل اكتر من كده ويسكت ... وفعلا اتكلم وقال كل الحقيقة
وانقذ الرجل اللى مقبوض عليه وجابوا الراجل اللى خد المحفظة وضربوه
والراجل صاحب المحفظة رجعتله المحفظة
ربنا زعل جدا ونزل الراجل من على الصليب وقاله انت ماتستحقش تكون هنا
فبكى الراجل وقاله ليه كده يارب انا انقذت الموقف ورجعت الحقوق لاصحابها
وانت لو مكانى كنت عملت كده يارب
قاله يابنى اسمع اللى حصل ..كان فى راجل غنى جدا معاه فلوس كتيرة جالى على الصليب وقالى- بس انت ماسمعتهوش- انه هايروح يعمل جريمة بالفلوس ديه والجريمة ديه وحشة قوى هاتضيعه منى علشان كده وقعت منه المحفظة على الارض علشان مايروحش يعمل الجريمة
وخليت واحد بعدها فقير محتاج مسكين يلقاها على الارض لما جه يصليلى وفرح جدا بالفلوس اللى اعتبرها منى ليه
والتالت ده كان جاى عندى يصلى علشان مسافر فى مركب وجاى ياخد بركة السفر
فعملتله المشكلة بتاعت السرقة وخليت الراجل الاولانى يتهمه بالسرقة علشان اعطله والمركب تطلع من غيره
لان المركب هاتغرق فى البحر ويموت كل الل فيها
لكن انت ضيعت كل الدنيا
الراجل لما خد الفلوس بعد ما انت اتكلمت راح عمل جريمته
والتانى حزن واتهان علشان لقى فلوس عند صليبى انا مديهاله
والتالت سافر ولحق المركب وغرق ومات
ما أبعد أحكامه عن الفحص وطرقه عن الاستقصاء ( رو 11: 33 ) 0